قصيدة هلوسه
********************
أحيانا
بتخطر في بالي حاجات
أفكر فيها لمدة ساعات
مين إلي هيص
ومين إلي فيص
ومين إلي ريح نفسو ومات
بداية الحكايه
ذي أخر الحكايه
احلم ببكره طالع
يرجع مجدنا إلي فات
ترجع لنا تاني المشيئه
ينقطع حبل الأهات
وكنا وكانو
تنتهي كل الكانات
طالع في بالي
أكتب قصيده
واحكي حكايتي
.. وأطبع جريده
حكاية بلدنا لما
جابوها عال حديده
بلد عفيه دائها
خطايا سلطة شديده
واحلم ببكره
واحلم بسلطه
تانيه جديده
طالع في بالي
أبطل أفكر علي مرتين
وأتاني صاحي
لمدة يومين
وأسأل
ليه بلدنا حالها شين
وا زاي كل البلاد
حالها زين
ليه الحكومه بتزعل
لما واحد زييّ
يقول كلمتين
وازاي يعيش
فلاح عندو قيراطين
وازاي يعيش
عامل راتبو ميتين
ليه بلدنا
عليها دين
ليه إحنا دايما
بين البينيين
ليه القفه في بلدنا
مالهاش لسان
وليها ودانيين
عشان تسمع أوامر
لو تعصاها
يشدوها من ودانيين
ويطلع في بالي
أسيب نفسي
للفكر الخيالي
انا عنتر
وابو زيد الهلالي
واجر النهار فوق الليالي
واشوفك حر
يا وطني يا غالي
تهب الحكومه
يخافو الأهالي
يموت الحلم الجميل المثالي
واشوف العساكر
ماليه الشوارع
رعب ومخالي
أرجع مواطن
مؤدب موالي
ويهدا كلامي
ويطلع في بالي
.. أفضل مكاني
أضب خشمي ..وأحفظ لساني
بلاش أبهدل أهلي وجيراني
وأي واحد عارف مكاني
وابدل معاني العزه بمعاني
تسيبنا مواني
تاخدنا مواني
العمر بره الوطن
تعيشو ثواني
ما العمر إلا وطن
ما يعوضوش وطن تاني
نعيش في بنوك
ونبني مباني
ويغلب علينا
الشعور ال أناني
ننسي الروح
و ننسي الوطن
وننسي الأماني
نسيان الروح
صعب وكواني
لحظة ما شوفت
نفسي خواجه يوناني
ويطلع في بالي
أصف شعري
عال موضه كانيش
والبس شورت
وطاقيه بريش
وأطارقع لبان
وما يهمنيش
عشان أزهزه وأقدر أعيش
وارجع بلدنا
وتحيا الحكومه
ويحيا الشاويش
ويطلع في بالي
أجنن جنون
يحصل ما يحصل
يكون ما يكون
ويام طابا
أزرع زيتون
ولما يكبر
أجز منو غصون
واعصر عا نفسي
دستة لمون
وأروح إسرائيل
واجرب أخون
واكسب جوايز
وايا مناحم
ووايا شارون
وأعيش مدلع في رقص وفنون
واهز ديلي واركب قرون
بس هُزه و مُزه وقرد البابون
كُتاب الحكومه وترزي القانون
إحتكرو النداله ولمو القرون
أهل الخيانه
منعونا نخون
ويطلع في بالي
أزغزغ عيالي
عشان مر