قصيدة مكعبات الخوف
*****************
موش خايف من سلطة حاكم
والا خايف ضلمة زنازين
خايف من خوف
بيتوج فوق روسنا سلاطين
بيعمل من بدل العسكر
أنصاف أرباب فراعين
موش خايف فلاح يخذلني
الغيطان مافيهاش خاينيين
خايف من كاتب بيحرف
ومثقف عايز ملايين
خايف م الراديو
خايف م ال جرانيين
خايف من خوف بيصور
كل الأحرار مجانيين
موش خايف م ال سجان
خايف من ناس في ال شارع
تتصرف ذي المساجين
من واحد دايما يسألني
قبل ما يضربني
أبوك مين
إنت من الناس البونبوني
والا من الناس الوحشين
وعمده بيعبد مأمور المركز
ويشارك في عبادتو الفدادين
خايف من كل جبان
يبيع الناس بالطين
الخوف بيغير أسامينا
لو عاش جوانا يخفينا
ونصبح منسيين
من غير خوف
إحنا ملايين
ووسط الخوف
يعدونا نفرين
ونطلع في الصوره مساكين
أفلين إيدينا علي جمره
شايفيين العين الحمره
وفـ نن عينينا سكاكين
خايف من ناس تتعود
يقولو كلمة أمين
خايف من شيخ
خايف من قسيس
واولاد الكلب المناجيس
خايف من فرقة إبليس
ينزلو فينا تدريس
تدريب عال خوف
بروفات في التدليس
أنا خايف مفتي السلطان
وأنا عارفو شيطان
توصل فتاويه الدم
وتسد الشرايين
تعك القلب وتصبح دين
إرحمنا ياعم
فتاويكم سم
احنا موش سلفيين
ذي ما سمان