بيضه واحده بستين إرش
صعب يا خال
وايا ابو جمال
نملا الكرش
إرحمنا يا رب
من دا الوش
والا عاد في الزلعه
حتة جبنه
والا عاد فيها
حتي المش
حالة سرقه
حالة غش
إن ألو أمين
ما تأمنش
وإن ألو طنش
ما باطنش
دول سرأو المترو
وسرأو الونش
***
إنت مناضل
وانا مناضل
اكل اللحمه ظلم وباطل
والي مانعها راجل فاضل
هذا الجاري وهذا الحاصل
أوعي تجادل
أوعي تفاصل
أوعي تاكلها
كاش أو اجل
خليك وطني ياكلها باسمك
رئيس الوزرا
ودا راجل حق
وراجل فاضل
وانت تعيش
دامس باصل
موش هانعيش
موش هانواصل
إلا إن كان الحاكم واكل