إضراب 6 إبريل
كتبهاأحمدخفاجي ، في 3 أبريل 2009 الساعة: 06:11 ص
سألت مواطن ماشي ف حالو
جنب الحيطه كالمعتاد
ليه عايزين يعملو إضراب؟؟
أال يا وليدي العيشه سواد
مين يقدر في بلدنا يعيش
إلا حرامي أو قواد
نازلين بيع في بلدنا يوماتي
ماعادشي فيه في بلدنا بلاد
أولتلو مين بيبيع فيها ؟؟
أال سيبني ف حالي أنا عندي ولاد
السكوت أحيانا يا ابني
يكتبو رب العرش جهاد
أولتلو عارف
عارف عارف
بياع بلدنا اسمو عواد
أال لي مبارك
أصبح عندك مخ يا واد
أحمد خفاجي
شاعر المستضعفين
القصيده بصوتي علي يوتيوب علي هذا الرابط
http://www.youtube.com/watch?v=kuNKIUXk_I4
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
أبريل 3rd, 2009 at 3 أبريل 2009 7:13 م
السلام عليكم استاذ احمد
القصيدة رائعة لمست فيها صوت مصرى مدفون تحت انقاض الخصخصة مش قادر حتى يتكلم وفاكر ان سكوته جهاد ……..
امتى هيجى اليوم اللى نرفع صوتنا فوق صوت عواد ؟
تقبل سلامى وتحياتى
أبريل 5th, 2009 at 5 أبريل 2009 1:44 م
القصيدة جميلة
مبارك عليك هذا الإبداع
وللا بلاش
خليه عواد يمكن تسيبه وهيبة ويروح لحاله
تحياتي